كيفيه الاستثمار في الطاقه الشمسيه واقتناص الفرصه الذهبيه

لو عندك فلوس مش عارف تستثمرها بطريقه مضمونه او عايز تخفف فواتير الكهربا او استهلاكك للديزل وعندك مساحه فوق سطحك او فوق مصنعك او في مزرعتك او في اي مكان انهارده عندك اكبر فرصه في حياتك تستثمر فيها فلوسك باكبر عائد ربح في مصر مضمون وركز علي كلمه مضمون وهو الاسثمار في محطه طاقه شمسيه

من المعروف ان اي بنك لو حطيت فيه فلوسك بيبقي العائد من 9-12% لكن في محطات الطاقه الشمسيه لا تقل ابدا عن 14 % وتصل الي 30% في بعض الاحيان (عند استبدال مولد الديزيل بالاراضي الزراعية او الفنادق او المصانع المنفصلة عن الشبكة الحكومية بالطاقة الشمسية) يعني لو افترضنا انك عملت محطه لشركتك 100 كيلو علشان تبيع أو توفر (مينفعش الاثنين في مصر) فكل كيلو بينتج سنويا 1800 كيلو وات ساعه، الحكومه بتشتريه منك ب 108.58 قرش لكل كيلو وات ساعه يعني ال 100 كيلو بتكلفه ( 1.2 مليون جنيه) هيكون العائد سنويا 195 الف جنيه (تحقق عائد ثابت 16.25% لمدة 25 سنة). أو ممكن متبعش الكهرباء وتوصل علي احمالك و توفر استهلاكك، و في الحالة دي هتححق عائد 15% أول سنة ولكن هتزيد كل سنة مع زيادة اسعار الكهرباء